Граѓански организации упатија заедничко писмо до министрите за животна средина и енергетика од Западен Балкан во пресрет на климатските преговори SB64 на UNFCCC, кои ќе се одржат во Бон од 8 до 18 јуни 2026 година.
Писмото нагласува дека SB64 претставува клучен момент за тестирање на кредибилитетот на климатските политики, особено по глобалните процеси за транзиција од фосилни горива започнати во Санта Марта. Во него се истакнува дека одлуките што ќе се донесат во Бон директно ќе влијаат на подготовките за COP31 во Анталија и на идната насока на климатските политики во регионот.
Особен акцент се става на потребата од:
- усогласување на националните придонеси за клима (NDC) со целите за 1.5°C и постепено напуштање на фосилните горива
- забрзување на декарбонизацијата и подготовка за механизмите како CBAM
- подобрување на пристапот до климатски финансии, особено за адаптација и праведна транзиција
- зајакнување на учеството на јавноста, работниците, заедниците и младите во процесите на транзиција
Писмото предупредува дека доцнењето во ангажманот може да резултира со ограничен простор за влијание врз процесите што веќе се обликуваат на меѓународно ниво.
Граѓанските организации остануваат отворени за дијалог и поддршка на делегациите на Западен Балкан во пресрет и за време на SB64
Повеќе може да прочитате на следниот линк: Заедничко писмо од граѓанските организации до владите на Западен Балкан пред Бон – CAN Europe
Напишете коментар