Битола: АКТИВНО НА ТЕРЕН, ЗАПОЧНА РЕКОНСТРУКЦИЈАТА НА УЧИЛИШНИОТ ОБЈЕКТ ВО КРКЛИНО

На терен градежни активности на објектот во селото Крклино, кое е подрачно училиште на ОО „Александар Турунџев“ од Кукуречани.

Овој проект Општината го реализира со финансиски средства од Министерството за образование и наука, од вториот владин повик, а е на барање на жителите.

Објектот, односно подрачното училиште има две училници, една канцеларија, ходник и тоалети.

Ќе се менува кровната конструкција, ќе се реконструира и фасадата, внатре промена на подовите, замена на дограмата со ПВЦ профили, како и целосно средување на внатрешноста на објектот, односно молеро-фарбарски работи.

Денеска увид во градежните работи изврши градоначалникот на Битола, Тони Коњановски со одговорните лица за проектот.

Вредноста на оваа реконструкција е 3.380.097 денари.

Општината и со оваа реконструкција ја покажува грижата за образованието, односно подобри услови за изведување на воспитно-образовниот процес.

СЕ РАБОТИ И ВО РОТИНО, СЕ РЕКОНСТРУИРА ПАТОТ ДО ЦРКВАТА

ПОТРЕБАТА ЗА РЕФОРМА НА ЈАВНИТЕ КОМУНАЛНИ ПРЕТПРИЈАТИЈА ВО МАКЕДОНИЈА