Делчево (Новости): Се реконструира ул „Кочо Рацин“

Во населбата Милково Брдо се реконструира уште една улица. Машините од денес работат на реконструкција на ул „Кочо Рацин“ во населбата. Согласно со проектот сереконструира подземната инсталација-реконструкција на старата водоводна мрежа и замена на старата инсталација со нова полиетиленска инсталација и реконструкција на коловозот наулицата во должина од 108 метри кој беше доста оштетен и предизвикуваше големи проблеми на жителите. Со овој зафат, жителите од улицата, но и сите кои гравитрираат во овој дел на Делчево, ќе добијат современа сообраќајница, поголема безбедност во сообраќајот и современ пристап до своите домови.

Градоначалникот Иван Гоцевски направи увид во текот на работите и истакна дека интензивно се работи на реконструкција и на изградба на сите планирани улици со средства од Владата на РСМ.

-Продолжуваме со градежните зафати за реконструкција и изградба на планираните улици. И со реализацијата на овој инфраструктурен проект одговараме на потребите на жителите и веруваме дека со изградба на современа патна инфраструктура значително ќе влијаеме на подобрување на квалитетот на животот на граѓаните, рече Гоцевски.

Работите ги изведува ОСД Кирил- Штип, вредноста на проектот е 1,8 милиони денари. Средствата се обезбедени од Владата на РСМ.

Добредојдовте на официјалната веб страна на Општина Делчево.

Адреса:Ул.Светозар Марковиќ бр.1, 2320, Делчево

Работно време:Понеделник – Петок: 07:30 – 15:30 часот(Пауза од 10:30 до 11:00 часот)

Телефон / Факс:+389 33 411 550

Е-поштаinfo@delcevo.gov.mk

Веб страна:www.delcevo.gov.mk