Општина Јегуновце продолжува со реализација на проекти насочени кон подобрување на безбедноста и инфраструктурата во сите населени места. Денес официјално започнаа градежните активности за изградба на нова пешачка патека долж регионалниот пат во населеното место Жилче.
Проектот предвидува изградба на уредена и безбедна пешачка зона во должина од околу 800 метри, како и поставување на ново улично осветлување по целата траса. Со поставувањето на современи канделабри значително ќе се подобрат видливоста и безбедноста во вечерните часови.
Реализацијата на овој проект ќе придонесе за зголемена безбедност на сите учесници во сообраќајот, а особено на пешаците, учениците и децата кои секојдневно го користат овој патен правец.
Општина Јегуновце останува посветена на континуирани инвестиции во локалната инфраструктура и создавање поквалитетни и побезбедни услови за живот за сите граѓани.
Адреса: с. Јегуновце 1215, Република Северна МакедонијaРаботно време: 08:00 – 16:00 (Понеделник – Петок)Телефон:+389 (044) 397 766E-mail:o-jegunovce@t.mk
Извор: Општина Јегуновце