Акцијата за одржување и чистење на зелените површини, започната минатата недела во соработка со ЈП „Паркови и зеленило“, ќе продолжи и во текот на оваа недела. Продолжувањето на активностите е резултат на реалните потреби утврдени на терен, со цел секој јавен простор да добие целосна и квалитетна грижа.
Екипите беа ангажирани без прекин во изминатите денови и продолжуваат со работа и денес во реонот на Топанско Поле, каде поради поголемиот обем на активности се врши детално чистење и кроење на дрвјата. Акцијата постепено ќе се прошири и на другите предвидени локации, а според планираната агенда ќе се заокружи со финални интервенции во Паркот на Чаир.
Извор: Општина Чаир