Струмица (Вести): Еднократна парична помош од 2.000 денари за првачиња во учебната 2026/2027 годин

Семејствата кои имаат дете што за прв пат ќе се запише во прво одделение во општинските основни училишта во учебната 2026/2027 година, ќе добијат еднократна парична помош во износ од 2.000 денари. Оваа мерка е донесена по иницијатива на градоначалникот Петар Јанков.

Право на користење на оваа помош имаат семејствата со постојано живеалиште на територијата на Општина Струмица.

За остварување на правото, потребно е да се поднесе Барање до Градоначалникот, заедно со потребната документација.

–Потврда за запишување во прво одделение за прв пат во учебната 2026/2027 година, заверена од основното училиште на територијата на Општина Струмица

–Копија од извод од матична книга на родени за детето

–Копија од лични карти на двајцата родители/старатели

–Копија од трансакциска сметка на еден од родителите/старателите

– Изјава за давање согласност за користење на лични податоци

– Барање за еднократна парична помош за прваче

Во прилог линк одИзјава за согласност за користење на лични податоциЛИНК

Во прилог линк одБарање за еднократна парична помош за првачеЛИНК

Во прилог линк одОдлукаЛИНК

Целосната документација се поднесува доОдделението за услуги на граѓаните и месна самоуправа при Општина Струмица, секој работен ден од08:00 до 16:00 часот