Жителите и посетителите околу Младинскиот центар во Новаци од сега можат да се поврзат на бесплатен јавен Wi-Fi.
WiFi мрежата е поставена во рамки на иницијативата WiFi4WB, финансирана од Европската Унија и Владата на Сојузна Република Германија, а се спроведува од GIZ како дел од проектот EU4Digital.
Целта на иницијативата е да се овозможи бесплатен јавен интернет низ Македонија и Западен Балкан. Општина Новаци ќе биде една од 500 во регионот кои ќе добијат WiFi4WB мрежа, по примерот на EU програмата WiFi4EU, која обезбеди бесплатен јавен интернет на 7.000 локации низ Европската Унија.
Сите граѓани и посетители можат да се поврзат бесплатно и да користат сигурна интернет врска.
Со оваа поддршка, Општина Новаци продолжува да ги унапредува јавните услуги и да ја зајакнува дигиталната поврзаност на локалната заедница.
Извор: Општина Новаци