11/04/2026|Новости|admin
Со цел за збогатување на културно – забавниот живот во нашиот град во организација на општина Неготино и Основното општинско музичко училиште ,, Владимир Арсовски ” денеска на Велики петок се одржа Велигденски концерт.
Концертот се одржа на градскиот плоштад во Неготино и на истиот настапија околу 90 ученици кои посетуваат настава во музичкото училиште и кои пред присутните се претставија со 10-тина музички нумери во кои уживаа повеќе генерации посетители.
Велигденскиот концерт беше збогатен и со настап со 2 точки на играорците од Фолклорниот ансамбл ,, Ацо Ѓорчев ” од нашиот град.
Извор: Општина Неготино