По долги години чекање, жителите на Тремник добија нова, современа, модерна и според сите стандарди реконструирана и асфалтирана улица во должина од 832 метри и ширина од 5,5 метри.
Со завршувањето на овој инфраструктурен зафат – „Реконструкција на улица 1 во Тремник“, на жителите им е олеснато секојдневното движење, зголемена е безбедноста на учесниците во сообраќајот и подбрени се условите за живеење во селото.
Финансиските средства потребни за реализацијата на проектот во висина од 8.686.501 денари со вклучен ДДВ се обезбедени од Меѓународната банка за обнова и развој-Светска банка за Проектот за поврзување на локални патишта преку Министерството за транспорт при Владата на Република Македонија.
Општина Неготино продолжува и во иднина со инвестирање во патната и комуналната инфраструктура во сите населени места на територијата на нашата општина.
Извор: Општина Неготино