Кривогаштани: Започна реализацијата на проектот за реконструкција на дел од улицата „Методија Патчев“ во Боротино, до црквата „Св. Марина“

Од денес започнаа градежните активности за реконструкција на дел од улицата „Методија Патчев“ во должина од 188,5 метри, проект кој ќе придонесе за подобрување на локалната патна инфраструктура и полесен пристап на граѓаните до црквата „Св.Марина“ во Боротино.

Вкупната вредност на проектот изнесува 1.736.451 денари со ДДВ, а средствата се обезбедени преку Министерството за транспорт, согласно Програмата за капитални дотации за единиците на локалната самоуправа.