Станува збор за современ спортски објект со дименизии од 25 метри должина и 9 метри ширина, со длабочина која се движи од 0.80 до 1.20 метри, што овозможува безбедно користење и реализација на наставните и рекреативните активности. Базенот е изграден согласно современите стандарди за функционалност, безбедност и енергетска ефикасност, со што се обезбедени кавлитетни услови за развој на пливачките вештини.
Изградбата на базенот започна во септември 2023 година, а е целосно завршена во 2026 година.
Овој значаен капителен проект е реазлизиран со поддршка на Владата, преку Министерството за спорт, кое ја обезбеди главната инвестиција од 46.700.000 денари за изградба. Во реализацијата активно учествуваше и Општина Карпош преку обезбедување дел од потребните средства и обврски за ставање на објектот во функција, преку изведба и финансирање на приклучоците за водоснабдување и електрична енергија.
Изведувач на изградбата на базенот е „Конструктор“, по проект на „ВЕЛАРТ“, а со надзор на „МГ Проект“.
-Во наредниот период, Општина Карпош, заедно со Советот ќе донесе одлуки за моделот на функционирање и управување со базенот, со цел сите дечиња од општинските основни училишта, на возраст до 9 години да научат да пливаат и преку тоа да допринесеме до здрав психо-физички развој на младите. Во соработка со училиштата ќе договориме динамика и начин на реализирање на часовите по пливање.“ – истакна заменик-градоначалникот Неделчо Крстевски.
Целта на овој современ спортски капацитет е да биде максимално искористен и достапен, не само за воспитно-образовниот процес, туку и за спортските клубови за млади пливачи. Затворениот пливачки базен ќе биде во служба на сегашните и идните генерации, обезбедувајќи современи услови за учење, спорт и личен развој.
Со реализација на овој проект испраќаме силна порака дека грижата за младите останува наш врвен приоритет.
[/vc_column_text][vc_video link=”https://youtu.be/gMG-LQpsMLM?si=kkOS2oK0ukrLLZkr”][vc_separator color=”blue” border_width=”3″][vc_images_carousel images=”62044,62032,62046,62047,62033,62029,62028,62031,62034,62035,62030,62036,62037,62038,62039,62040,62041,62042,62043,62045,62048,62049″ img_size=”full” slides_per_view=”4″ hide_pagination_control=”yes”][/vc_column][/vc_row]Извор: Општина Карпош