Делчево (Новости): Повик за пролетно чистење на дивите депонии

Општина Делчево започна со голема акција за расчистување на дивите депонии. Екипи на ЈКП „Брегачлница“ и лица ангажирани преку Програмата за јавни работи, граѓани ентузијасти- со механизација и рачно, ја започнаа акцијата за чистење на дивите депонии.  Првата акција беше спроведена на расчистување теренот околу тениското игралиште и влезот на градскиот стадион. Акцијата се реализираше со поддршка и на општествено одговорни компании и граѓани и покажа дека здружени заедно, граѓани, компании и институции можат во Делчево да промовираат вредности и да покажат со дела дека грижата за животната средина е приоритет на сите.

Како што најави градоначалникот Гоцевски- време е заеднички да ја исчистиме нашата околина и да и дадеме нов, чист почеток на природата.

–Дивите депонии не само што ја нагрдуваат околината, туку претставуваат и сериозна закана за здравјето на луѓето, почвата и водата. Затоа оваа акција е повик до сите – институции, организации и граѓани – да се вклучат и да придонесат за почиста средина, нагласи Гоцевски.

Чиста околина значи поздрав живот

Природата не е депонија

Одговорноста е на сите нас

Општина Делчево ги повикува сите совесни граѓани да се приклучат, да пријавуваат диви депонии и да помогнат во нивно отстранување.

Само заедно можеме да направиме вистинска промена.Да ја дочекаме пролетта со чиста и здрава околина!

Добредојдовте на официјалната веб страна на Општина Делчево.

Адреса:Ул.Светозар Марковиќ бр.1, 2320, Делчево

Работно време:Понеделник – Петок: 07:30 – 15:30 часот(Пауза од 10:30 до 11:00 часот)

Телефон / Факс:+389 33 411 550

Е-поштаinfo@delcevo.gov.mk

Веб страна:www.delcevo.gov.mk