Велес: ОТВОРЕНИ ПРИЈАВИТЕ ЗА ПЕТТОТО ИЗДАНИЕ НА „ТРЧАМЕ ЗА РАЦИН“

Сите заинтересирани граѓани можат да се пријават на атлетската трка „Трчаме за Рацин“ што ќе се одржи на 31 мај, годинава. Веќе се отворени пријавите за петтото издание на трката и граѓаните можат да се пријават на линкот подолу во објавата, најдоцна до 25 мај 2026 година.

И годинава, учесниците ќе трчаат на пет и 10 километри, на нова лиценцирана патека според светски стандарди, со најниска котизација за учество и еден од највисоките парични наградни фондови во Македонија.

По завршувањето на главните трки ќе се одржи и детска трка поделена во неколку категории. Учеството на најмалите е без котизација, но со задолжителна пријава на линкот.

Јубилејното издание на трката ќе се одржи во рамки на 63. Меѓународни Рацинови средби.

„Трчаме за Рацин“ е во организација на Општина Велес и Атлетска федерација на Македонија.

Општина Велес со апел до сите рекреативци и професионалци да се пријават на трката и заедно да ги истрчаме предвидените километри во чест на великанот Коста Солев Рацин.

https://veles.trki.mk/mk/events/trcame-za-racin-2026

Добредојдовте на официјалната веб страна на Општина Велес. Сите информации за градот и околината на едно место.