Богданци: Започна реконструкцијата на улица „Петар Мусев“ во Богданци

Се известуваат граѓаните на Општина Богданци дека започнува реализацијата на проектот за реконструкција на улицата „Петар Мусев“ во Богданци.
Реконструкцијата вклучува нов коловоз, атмосферска и фекална канализација, кабли за оптика и електрика и тротоари.
Градежните активности ќе се одвиваат сукцесивно, согласно предвидената динамика на изведба. За време на работите ќе биде поставена соодветна сообраќајна сигнализација и ќе важи времен режим на сообраќај.
Се молат граѓаните за разбирање, трпение и почитување на поставената сигнализација со цел безбедно и непречено одвивање на градежните активности.