Традицијата и годинава продолжи во населбата Јенимаале каде се одржува тридневниот фестивал „Весел Петок“, со кој се одбележува празникот Источен Петок – Балаклија или познат како Градски – Селски Велигден.
Детскиот фолклорен фестивал „Весел Петок“ го организира КУД „Илинден“ и претставува вистинска прослава на традицијата, детската радост и фолклорното богатство.
Фестивалот започна вчера во малото училиште на ОУ „Даме Груев“, а продолжи денеска со дефиле низ Јенимаале и пригодна програма на долното средсело, каде што присутен беше и градоначалникот на Битола Тони Коњановски и претседателот на Советот Бојан Бојкоски.
„Продолжуваме да ја негуваме љубовта кон народната култура и заеднички да создаваме убави спомени“ е пораката од овој фестивал, кој продолжува и утре од 13:00 часот во Офицерскиот дом со настап на културно-уметнички друштва од земјава и странство.
Гостите од фестивалот денеска имаа прием во кабинетот на градоначалникот на Битола.
ДИРЕКТОРОТ НА „ЏЕЗ ФАКТОРИ ФЕСТИВАЛОТ“ СО ГОСТИ ОД ФЕСТИВАЛОТ НА ПРИЕМ КАЈ ГРАДОНАЧАЛНИКОТ НА БИТОЛА
ТАНЦОВ ПРЕДИЗВИК „МОСТОВИ НА ПРИЈАТЕЛСТВО“
Извор: Општина Битола