Градоначалникот на Општина Аеродром, Дејан Митески, денеска го посети ООУ „Лазо Ангеловски“ во Ново Лисиче, каде што во тек се градежни активности за побезбедна, пофункционална и помодерна училишна средина. Се демонтираат застарените дрвени панели од ѕидовите во ходниците, со што училиштето добива посовремен изглед и се подобрува безбедноста на просторот.
Истовремено, се прошируваат училниците за да им се овозможат подобри услови за настава на учениците и наставниот кадар.
За првпат се уредува и современ кабинет по информатика и технологија, што ќе им овозможи на учениците да стекнуваат знаења во услови што ги следат современите образовни стандарди. Исто така, целосно се модернизира и обезбедува влезот во училишната кујна.
Образованието останува еден од нашите најважни приоритети. Продолжуваме да инвестираме во училиштата, затоа што секое дете заслужува безбедно, современо и инспиративно место за учење.
21.7.2026 година
Општина Аеродром
Извор: Општина Аеродром