Вклучи се за здрава животна средина: Паркиралиште за велосипеди во паркот „Јане Сандански“

објавено во АКТИВНОСТИ | 0

На 10.08.2017 година, под мотото „Вклучи се за здрава животна средина!“ во паркот „Јане Сандански“, Центар за климатски промени во соработка со Општина Аеродром, одржаа промоција на поставениот вело-остров.

Целта е да се поттикне и олесни возењето велосипед, а со тоа и да се намали загадувањето на воздухот и бучавата во Скопје. Оваа активност е дел од акцискиот план за поголема вклученост на јавноста во процесот на донесување одлуки од областа на животната средина, кој е изработен за Општина Аеродром за периодот 2017-2020 година, преку проектот „Зголемено вклучување на граѓанското општество во процесот на донесување одлуки од областа на животна средина“ и е финансиран во рамките на програмата за акциски грантови на Цивика мобилитас, а спроведуван од Центар за климатски промени.

Во рамките на промоцијата, на која присуствуваа дечиња од градинките „Срничка“ и „Буба Мара“, за првите 100 учесници беа поделени флексибилни ленти и беџови брендирани со логото на проектот, донаторот и пораката за вклучување за поздрава животна средина.