Центар за климатски промени – Гевгелија, започна да го спроведува проектот „Подобрување на капацитетите на граѓанските организации за имплементација на концептот за зелена економија“. Проектот е суб-грантиран во рамките на проектот „ GEAR-Зелена економија за развој на регионот“ финансиран од Европската Унија во рамките на ИПА Програма за поддршка на граѓанско општество и медиуми 2016-2017, имплементиран од страна на Еко-свест, Центар за истражување и информирање за животната средина, Скопје во партнерство со СМАРТ Колектив од Србија, Центар за поддршка и развој од БиХ, и Асоцијацијата Слап од Хрватска, Eden Center од Албанија и Fors Montenegro од Црна Гора.
Главната цел на проектот е подобрување на улогата на граѓанските организации во имплементацијата на концептот за зелена економија во македонските компании.
Специфичните цели на проектот се:
- Зголемување на свеста на граѓански организации и компаниите за важноста на зелената економија и зеленото претприемништво
- Зајакнување на капацитетите на локалните граѓански организации за важноста на зелената економија и зеленото претприемништво
За постигнување на целите на проектот планирани се четири активности:
- Анализа и истражување на компании во РСМ за примена на концептот за зелена економија
- Организирање на обука на 10 граѓански организации за примена на концептот на зелена економија
- Организирање на обука на 10 компании за примена на концептот на зелена економија
- Изработка на план за спроведување на концептот за зелена економија во три компании
Очекуваните резултати од спроведувањето на проектот се:
- Подготвен извештај за моменталната состојба на примена на концептот за зелена економија во компаниите во РСМ
- Подобрени капацитети на 10 граѓански организации и 10 компании за важноста на зелената економија и зелено претприемништво
- Изработени планови за спроведување на концептот за зелена економија за три компании во заедничка соработка помеѓу граѓански организации и компаниите
Времетраење на проектот е 6 месеци, од септември 2019 година до март 2020 година.
Проектот ќе се спроведува на целата територија на Македонија.